Nthoi tay bôk nău kan mâp nuĭh ƀon lan rơh tal 8, kêng măng 29/9, Kruanh Quốc hội Trần Thanh Mẫn mâp 450 nuĭh ƀon lan bah nkual ƀon têh Vị Thanh, n’gor Hậu Giang. Âk nuĭh ƀon lan uănh tât ăp ntil nău geh tât nău kơl công đoàn; trok n’hanh dŏng bảo hiểm y tế, bảo hiểm xã hội. Đah ăp nău ôp mpeh tâm nău dơi mkra bah n’gor, kruanh ăp n’gâng kan, nău kan, Ủy ban nhân dân n’gor Hậu giang lĕ ơh na nê̆ an nuĭh ƀon lan, kruanh n’gor an lăp nău ngơi bah Wa Hồ, “Moh nău uĕh an nuĭh ƀon lan ri ƀư, moh nău mô uĕh an nuĭh ƀon lan ri dêr”.

Lơn lah, ăp nău ji nuih bah nuĭh ƀon lan an dơi mkra dŭt n’hâm. Kruanh Quốc hội lah, jêh rơh mâp nuĭh ƀon lan aơ, Mpôl đại biểu Quốc hội n’gor Hậu Giang, Ủy ban Mặt trận Tổ quốc rgum ăp nău rgop an mbơh Văn phòng Quốc hội, njuăl ăp nău rgop, dăn đă mpeh tâm dơi nău mkra bah Chính phủ, ăp n’gâng kan, nău kan an mkra.