Ndơn kan an nuĭh leo kan Đảng, ngih dak, Quốc hội, kruanh Quốc hội Trần Thanh Mẫn njoăl tât ăp tahen sôt rmanh, tahen geh nău ji, rnăk vâl tahen khĭt tâm lơh, rnăk dơi kơl, nuĭh geh kan đah cách mạng nău njoăl rhơn ngăch dăng lăng soih, nău ôp khâl n’hanh nău lah ueh dŭt n’hâm. Lah na nê̆ nău tâm rnglăp lôch nglăp nsum 2 n’gor, kruanh Quốc hội đă n’gor Thái Nguyên an geh nsum săk soan, nsum nuih n’hâm, tâm rnglăp gay ma mât kơl an ƀon lan, ntrôl an hun hao tâm let năp tay, nchrăp Đại hội Đảng bộ gưl xã, phường ƀư lôch ta năp lơ 31/8/2025, Đại hội Đảng bộ gưl n’gor ta năp lơ 31/10/2025, nchrăp an săch đại biểu Quốc hội khóa 16 n’hanh Đại biểu Hội đồng nhân dân ăp gưl năm kan 2026-2031.