Kêng măng 18/7, Kruanh Quốc hội Trần Thanh Mẫn n’hanh Mpôl pah kan hŏ pah kan đah kruanh rđău kan Ban thường vụ thành ủy nkual ƀon têh Hải Phòng mpeh nô nău an tĭng ƀư Nghị quyết Đại hội XIII bah Đảng; nău tĭng ƀư ăp Nghị quyết bah Quốc hội.

 Lah ta rơh pah kan, Kruanh Quốc hội Trần Thanh Mẫn lah rjăp ntŭk gŭ khlay bah Hải Phòng – lah nkual ƀon têh ndrâm dak lêng, mpông me luh dak lêng n’hanh buăt nthoi ăp trong nchuăn rdeng dak lêng hăn dak bah dih bah ăp n’gor mpeh Bắc; đêt geh ntŭk kơt Hải Phòng lah tơm trong khlay đah 5 ntil trong:  trong dak lêng, trong dak me, trong loih, trong ndeh, trong trôk, lơn lah geh dơh uĕh ndrâm dak lêng jru jêng nchuăn rdeng dak lêng dŭt hun hao. Kruanh Quốc hội đă, Hải Phòng nsrôih an ƀư dăp rgum nkual ƀon têh đah 3 n’gâng tơm hun hao: rhŏ dŏng ndrâm dak lêng-logistics; công nghiệp kloh rsang, ăp tŏng  nău lư, têh uĕh mhe; ntŭk  rgum pâl nđaih dak lêng dak bah dih; ntrŭt ntrôl tâm ntêng lêng nkual mpeh njônh ntrôl hun hao Hà Nội - Hải Phòng - Quảng Ninh tĭng Nghị quyết 30 bah Bộ Chính trị. Ntrôl dăng rgâl uĕh ntŭk ntuh kơl tăch rgâl, ntrôl dăng rgâl dơh glêh siƀŭt.