Ôi 3/7, ta ntŭk rƀŭn rgum Ngih săm ƀŭt Chính trị Bình Phước, Kruanh Quốc hội Trần Thanh Mẫn ndrel rmôt hăn kan bah Quốc hội râng rƀŭn tal 15, HĐND n’gor Bình Phước gưl X. Nkah tay nau tă geh hun hao văng sa rêh jêng bah neh dak ndrle bah n’gor Bình Phước lah êng, Kruanh Quốc hội Trần Thanh Mẫn ân lah, tâm nau geh dơi nsum nê, nau rgop ngăn bah HĐND n’gor, nau ndrel hăn, nsôih, ƀư nau kan bah ăp ntoh măt Quốc hội gưl XV n’gor Bình Phước. HĐND n’gor Bình Phước mât tâm dăch nau rđau kan, rđau đă bah Trung ương ndrel geh âk nau rgâl mhe tâm nau kan, săk tam tâm nau kan bah HĐND ăp gưl mô rlu n’hao prêh, rgâl mhe mpeh nau kan ndrel nkô̆ nau.

Kruanh Quốc hội Trần Thanh Mẫn đă n’gor Bình Phước ân geh tâm rgop rjăp đah hun hao văng sa, rêh jêng đah rnă njrăng đăp mpăn neh dak, tâm nchră ma dak ba dih, ngăn lah tâm nchră trong n’har bri đăp mpăn, tâm boh, hun hao đah dak băl Campuchia; mât chăm nau rêh nuih n’hâm, drăp ndơ ân ƀon lan, ngăn lah nŭih rnoi mpôl đê̆ tâm nkuăl; ƀư ueh nau kan kơl an tâm nau rêh, nau kơl an, mât chăm n’hâm soan ân nŭih geh n’hâm đah cách mạng./.