Ôi 17/7, Kruanh Quốc hội Trần Thanh Mẫn râng lễ ntơm pơk Rơh hop tâl 18 HĐND nkual ƀon têh Hải Phòng khóa 16, năm kan 2021-2026. Lah ta rơh ntơm pơk, Kruanh Quốc hội Trần Thanh Mẫn uănh năl, nău kan bah Hội đồng nhân dân nkual ƀon têh Hải Phòng ntơm bah bôk năm kan tât aƀaơ geh âk nău rgâl, n’hao săk blău kan tĭng trong rƀŏng nar lơn ma ngăn ngăn, geh nău tam, geh âk nău dơi ntoh lư.

Tâm let năp tay, Kruanh Quốc hội Trần Thanh Mẫn dăn đă ăp gưl ủy Đảng, n’gâng kan Mặt trận, nsum mpôl an ƀư tay geh nău dơi  ngăn ngăn tâm trong tĭng ƀư Nghị quyết Đại hội Đảng lam dak tâl 13, Nghị quyết 16 bah Ban Chấp hành Đảng bộ nkual ƀon têh, Nghị quyết rơh hop tâl 7 bah Quốc hội khóa 15, nkoch ăp rnoh tât kan, nău dơn kan tâm hun hao wăng sa, rêh jêng kon nuĭh, đăp mpăn  njrăng n’gang neh dak, rnă njrăng. Hải Phòng ân ntrŏng kloh ntŭk gŭ kan, săk geh, dơh uĕh gay ntrŭt ntrôl hun hao dơi tât n’hanh rlău ăp rnoh tât geh hun hao wăng sa rêh jêng kon nuĭh năm 2024. Rgop an lam dak dơi tât rnoh hun hao n’hanh lôch jêh ăp rnoh tât kan, nău dơn kan bah Nghị quyết Quốc hội tâm năm 2024.