Ôi 8/7, Kruanh Quốc hội Trần Thanh Mẫn râng ntơm pơk Rơh hop tâl 20, Hội đồng nhân dân n’gor Thanh Hoá khoá 18, năm  kan 2021 – 2026. Kruanh Quốc hội Trần Thanh Mẫn rnê âk nău kan bah Hội đồng nhân dân n’gor Thanh Hoá tâm bah ri aơ hŏ geh âk nău rgâl mhe, n’hao săk tam nău kan tĭng trong rƀŏng nar lơn ngăn ngăn, nsĭt nău dơi lơn.

Tâm let năp tay, Kruanh Quốc hội dăn đă n’gor rôih tĭng n’hanh ƀư lĕ n’hâm suan tâm nău rđău kan, rgum tâm ăp rêng kan đăt ndal, ăp nău dơn kan rgum tơm, droh rklaih ăp kô̆ yơn, kol khan, ntik  n’hao săk geh, dơh uĕh bah n’gor nkre đah rgum suan dăng bah lam ƀon lan n’gor nơm. Kruanh Quốc hội njrăng đă, Thanh Hóa an ƀư tay geh nău tam ăp trong mât dŏng săk  geh, dơh uĕh, ntrŭt ntrôl  hun hao wăng sa. Rgum tơm lah tĭng ƀư geh nău tam ăp trong hun hao tuch  tăm, si gle, tui ka, ndơ tăch, nkre đah rdâk njêng ƀon lan mhe, uănh khlay hun hao tuch tăm dŏng công nghệ mhe, rgâl nău mĭn tuch tăm dơm jêng wăng sa nău kan tuch tăm.