Kruanh Quốc hội Trần Thanh Mẫn knơm rơh tât khâl mbra lah nău kan dŭt khlăy pơk luh du rơh mhe an nău tâm boh Việt Nam- Thái Lan. Kruanh Quốc hội đă 2 ding mbra dơi geh dŏng nău geh nsum ntop tâm ăp trong kan kơt lah wăng sa rnoh mbrô, ŭnh nar nđir, rnoh pă ndơ ta nkual n’hanh tuch tăm ueh mhe, dŏng ăp nău tâm ton tăch rgâl đăp mpăn, kơt nău tâm ton wăng sa lĕ rngôch nkual RCEP gay ma dơi geh nkô̆ mpŏng tăch rgâl đah dak bah dih geh 25 rmen đôlar ta năm 2030. Thủ tướng Thái Lan  Paetongtarn Shinawatra an gĭt nău ŭch rơh tât khâl rơh aơ gay ma tâm nchră đah ăp nuĭh leo kan Việt Nam mpeh ăp trong kan n’hao nău tâm kơl tăch rgâl đah 2 dak tâm let năp tay, ngăn lah mpeh wăng sa, ntuh kơl n’hanh tăch rgâl gay ma ndŏ nău tâm boh 2 dak hao du trong mhe.