Kêng măng 17/6, ta ngih kan Quốc hội, Kruanh Quốc hội Trần Thanh Mẫn vơt ăp nŭih ntoh măt bah Liên minh Châu Âu ndrel ăp ntoh măt bah ăp dak kan nsum EU ta Hà Nội. Tâm nar vơt, Kruanh Quốc hội lah rjăp, nau tâm boh đah Quốc hội Việt Nam ndrel Nghị viện Châu Âu dôl hun hao ueh, rjăp. Bar ding hŏ ndrel mra lŏ tâm boh rjăp, rgop nau ntrŭt dăng nau tâm boh đah Việt Nam-EU ndrel ngăn lah tâm nchră mbơh nau tă geh dơi tâm nau kan nghị viện, ƀư jêh trong kan pháp luật gay ntrŭt dăng nau tâm boh săk tam bah nau ton dah rŏng tăch rgâl yor Việt Nam-EU, đah nkô̆ nau prêh ngăn lah leo nsĭt nau geh dơi ngăn ân ƀon lan ndrel ntŭk kan bar ding.

Kruanh Quốc hội Trần Thanh Mẫn rnê prêh nau kan bah Uỷ ban tăch rgâl bah lam ntur neh đă nau kan ndâk ntrong tâm boh nsum đah Quốc hội Việt Nam ndrel Nghị viện Châu Âu. Bar ding mât ăp nau tâm nchră ndrel tâm rgâl ƀa ƀơ đah ăp Nghị sĩ Châu Âu ndrel ntoh măt Quốc hội Việt Nam gay ntrŭt dăng nau ƀư nau tam tâm boh kan nsum tăch rgâl dah rŏng Việt Nam-EU, rgop tâm nau geh dơi nsum tâm nau hun hao tâm boh Việt Nam-EU./.