Kêng măng 12/6, ta ngih kan Quốc hội, Kruanh Quốc hội Trần Thanh Mẫn vơt Kruanh Thượng viện dak Cộng hoà Indonesia Mahyudin. Tâm nar vơt, Kruanh Quốc hội lah rjăp, nau tâm boh kan nsum bah bar dak ăp năm rlau aơ mô rlu hun hao ueh. Việt Nam mro uănh khlay ndrel ŭch nau tâm boh kan nsum ăp ntil bah Việt Nam-Indonesia n’hao du nhoat mhe.

Mpeh nau kan tâm boh đah ntŭk kan nghị viện 2 dak, Kruanh Quốc hội đă, rơh tât bar ding ân geh n’hao tâm n’ur, tâm nkoch mbơh nau kan tă geh dơi blau đah 2 ntŭk kan ndâk njêng pháp luật bah 2 dak, ngăn lah đah ăp Uỷ ban ƀư nau kan bah Quốc hội, ăp rmôt nghị sĩ hữu nghị, ăp bu ur nghị sỹ ndrel nghị sỹ mom. Groi Kruanh Thượng viện Indonesia lah rjăp, Thượng viện Indonesia ŭch ndâk tâm boh kan nsum rƀŏng tât nau geh mhe, tâm pă ăp nau kan nghị viện bar dak ndrel nau tâm boh ƀon lan bar dak./.