Tâm rnôk hăn khâl ngăn Nhật Bản, lơ 4/12, Kruanh Quốc hội Trần Thanh Mẫn hŏ vơt wa Ohno Keiji, Kruanh Công ty TNHH Aeon Mall ta Nhật Bản. Kruanh Quốc hội Trần Thanh Mẫn lah rjăp, Việt Nam mro rnê, pơk trong nơih ân ăp tơm ntuh kơl tă bah dak ba dih ta Việt Nam, tâm nê geh Aeon Mall; Kơl an nau kan tăch rgâl bah Công ty Aeon Mall ta Việt Nam; nkre mbơh geh âk n’gor êng êng bah Việt Nam, tâm nê geh n’gor Bắc Ninh kŏ mra tâm boh ma Aeon Mall gay pơk ntŭk kan tăch rgâl Aeon Mall.

Wa Ohno Keiji mbơh, Aeon Mall lah ntŭk kan tăch rgâl bôk năp tâm năm 2024 ta Nkuăl ƀon têh Hồ Chí Minh, khay 9 mhe rlau hŏ ntơm lăp dŏng ntŭk ƀư nau kan tăch rgâl Aeon Mall ta Huế, đah nau ƀư têh ngăn nkuăl miền Trung. Rnôk aơ, Aeon Mall tâm rgop ma nkuăl ƀon têh Cần Thơ, ŭch lŏ pơk trong nơih gay pơk hvi tâm boh, ntuh kơl tâm ăp nkuăl ƀon têh êng bah Việt Nam./.