Ôi 11/12, ta Hà Nội, Kruanh dak Lương Cường khâl ndrel pah kan đah N’gâng kan Công an. Tâm nar pah kan, Kruanh dak Lương Cường rnê ăp nau tă geh dơi bah rmôt công an kơp ntơm bôk năm kan tât rnôk aơ, nchrăp ƀư ngăn nau kan tă bah ngai nau geh tât mât đăp mpăn neh dak, têk n’huch phung tih dôih, rklaih ngăn âk nau kan geh tât nau jêr. Ngăn lah, N’gâng kan Công an ntơm hăn lor tâm nau ntrơn rgâl mrô ndrel ƀư nau ntrŭnh mrô 18 bah Trung ương.

Ndâk rmôt kan ân kloh, nâp, chính quy, blau ngăch, mhe, geh nsum ma ƀư nâp ntrong kan gleh, dăng, pah kan săk tam, rhuăt ăp nau tă dơi ueh ân nau dăp rgum ntrong kan bah chính trị. Rơh tât, Kruanh dak Lương Cường đă rmôt kan công an lŏ nsôih rjăp, mât nâp đăp mpăn ăp nau kan tơm khlay bah neh dak ndrel Đại hội đảng bộ ăp gưl, rƀŏng tât Đại hội tal XIV bah Đảng./.