Kêng măng (10/12), ta Ngih Trung ương Đảng, Tổng Bí thư Tô Lâm lĕ mâp Đại tướng David Petraeus, ndrel dŏng Prăk nkrem nkre Kruanh Viện Toàn cầu bah Prăk nkrem ntuh kơl Kohlberg Kravis Roberts (KKR). Tổng Bí thư mĭn lah Hoa Kỳ lah dak kan ndrel văng sa n’hanh ntuh bah Việt Nam, djôt dơn ăp hun hao ngăch, lĕ rngôch bah tâm boh Việt Nam-Hoa Kỳ tâm 30 năm bah năp kơp bah rnôk nâm ơm tâm boh, tâm nĕ kan ndrel wăng sa, tăch rgâl n’hanh ntuh kơl rgum tay bah tâm boh ăp ding.

Tổng Bí thư mpŏng ăp nuĭh ntuh kơl dak bah dih, tâm nĕ geh ăp nuĭh ntuh kơl Hoa Kỳ n’hao tay ntuh kơl ta Việt Nam, ngăn lah tâm ăp ntil nău rgâl mrô, rgâl uĕh nđĭr, ŭnh nar nkra njêng, ŭnh nar kloh uĕh, rdâng đah rgâl trôk nar mih sial. Tổng Bí thư Tô Lâm đă ăp doanh nghiệp Hoa Kỳ, tâm nĕ geh Prăk nkrem KKR rgop tay tâm nău ntrôl kan ndrel ăp ding, ngăn lah kan ndrel wăng sa, khoa học n’hanh công nghệ đah 2 dak