Ôi ntri 11/12, ta Hà Nội, Thủ tướng Chính phủ Phạm Minh Chính râng n’hanh ƀư tơm Tâm nchră lam dak mpeh ntĭm nti nău dơi kon nuĭh. Lah ta rnôk tâm nchră, Thủ tướng Phạm Minh Chính lah rjăp bôk  nău kan nău dơi kon nuĭh lah bôk nău kan tơm, mô di lah nkre đah nău kan êng ƀa ƀă n’hanh dơi n’gluh tâm bôk nău kan nkrum lam bah jâng ntĭm nti Việt Nam.

Tâm nê sŏk kon se nti, sinh viên ƀư rgum tơm; nai ntĭm nti lah suan ntrôl; nhih nti ƀư jâng ndăl; rnăk wâl lah ntŭk nsing; lam rêh jêng kon nuĭh lah jâng ntơm; Tĭng ƀư bôk nău kan kơt nti tât dŭt nău rêh. Thủ tướng Phạm Minh Chính nsing nơm, đah nău tâm rnglăp dơn ngoăy, nsum suan, du nuih n’hâm bah lam trong kan chính trị, lam ƀon lan, lam tahen he, pah kan mât njrăng nău dơi kon nuĭh n’hanh ntĭm nti nău dơi kon nuĭh nar lơn ma geh nău dơi uĕh lăng, rgop khlay tĭng ƀư jêng ngăn ngăn nău wơl geh rdâk njêng neh dak Việt Nam xã hội chủ nghĩa ƀon  lan geh ndrŏng, neh dak têh dăng, geh nău tâm ban rsang rnglay, nâp jâng chuat lăp tâm rơh hun hao mhe – rơh geh ndrŏng bah rnoi nuĭh.