Ta rơh tâm mâp, Thủ tướng Phạm Minh Chính rnê âk nău kan bâh Kruanh n’hanh SIA lĕ geh âk nău kan, mĭn kan kơl an Việt Nam hun hao công nghiệp bán dẫn, tâm rgop đah âk doanh nghiệp kan ndrel SIA joi rơh nkhêp mhe mpeh tăch rgâl, tâm kơl ta Việt Nam. Thủ tướng đă SIA an geh kuăl jă tay ăp tập đoàn Hoa Kỳ tâm kơl kan, ntuh kơl têh hvi tay lơn, săk rnglăy lơn đah Việt Nam ta âk trong kan bán dẫn, nău gĭt blău mpeh nău tâm kơl kan, điện toán đám mây...lah ăp trong kan dŭt khlăy đah nău rêh let năp tay bâh kon nuĭh tâm ban kơt  nău hun hao bâh ăp dak. Ndrel đah nĕ, Thủ tướng đă Kruanh, ăp doanh nghiệp SIA geh nău ngơi đah n’gâng kan Hoa Kỳ geh ntrôl ueh nău pah kan ndrel đah Việt Nam ăp nar lơ ma têh hvi, ngăn ngên na nê̆ săk rnglăy lơn, ơm geh kơp dơn Việt Nam geh n’gâng kan wăng sa ta ntŭk tăch rgâl n’hanh nklơi jăng ăp nău geh tât tăch ndơ công nghệ prêh đah Việt Nam.