Ôi 10/12, ta Ngih Quốc hội, đah nău ƀư tơm bah Kruanh Quốc hội Trần Thanh Mẫn, Ủy ban Thường vụ Quốc hội lĕ mbơh ƀư rơh rƀŭn ăp rơh tal 40, rơh rƀŭn n’glêh dŭt bah năm 2024. Rơh rƀŭn aơ mbra uănh mĭn tay rgum uănh nđôi, mkra ăp nău kan hôm ƀa ƀă an jêh tâm năm 2024; nkre ntrŭnh bôk nău kan trong kan n’hanh bôk nău kan tâm nchră nău bah dih bah Ủy ban Thường vụ Quốc hội năm 2025 n’hanh uănh mĭn tay, ntrŭnh du đêt nkô̆ nău êng tĭng nău dơi.

Ntoh ngơi ntơm rơh rƀŭn, Kruanh Quốc hội Trần Thanh Mẫn an gĭt, tâm 2 nar ƀư rơh rƀŭn, Ủy ban Thường vụ Quốc hội mbra rgum uănh mĭn tay nău n’glôch jêh, rhoăt nău blău ơm rơh rƀŭn tal 8, Quốc hội khóa 15 n’hanh trong kan ndâk njêng pháp luật uănh mĭn tay mbơh an bôk nău kan bah Ủy ban Thường vụ Quốc hội năm 2025, an rgop nău bôk năp mpeh nchrăp an rơh rƀŭn tal 9 bah Quốc hội. Tĭng nĕ, nchrăp, Quốc hội mbra rƀŭn ndal dŭt khay 2/2025 gay nkra ăp luật geh tât tổ chức bộ máy kơt luật Tổ chức Quốc hội, luật Tổ chức Chính phủ, luật Tổ chức n’gâng kan ƀon lan. Ủy ban Thường vụ Quốc hội mbra an rgop 7 nkô̆ nău mpeh prăk kaih, tơm prăk. Kruanh Quốc hội Trần Thanh Mẫn đă an ndăn jêh ăp trong kan, bôk nău rgop an tâm nchră, nkra rgâl ăp luật gay ntơm rgâl mhe, dăp tổ chức bộ máy rgum jêt, pah kan tam, săk rnglăy.