Kruanh Quốc hội Trần Thanh Mẫn lah na nê̆, nuĭh leo kan Quốc hội Việt Nam way geh mât uănh n’hanh rnê âk nău kan bâh Kiểm toán ngih dak Việt Nam tâm nău n’hao an săk rnglăy mât uănh tơm prăk, drăp ndơ nsum, ngăch saơ n’hanh rmal ăp nău tih, njrăng roh rui drăp ndơ nsum n’hanh ngăn lah tâm rgop ta nău kloh rjăp, knơm bâh n’gâng kan tơm prăk ngih dak.

Kruanh Quốc hội ŭch, Kiểm toán ngih dak Việt Nam an geh nsrôih tay, leo kan tay, lah ntung njŏ dŭt khlăy tâm rgop âk tay lơn ta nău hun hao nsum bâh ntŭk rêh jêng kiểm toán tâm nkual n’hanh ta lam ntur neh, ăp ntŭk kan, ăp ntŭk leo kan lam ntur neh, Kiểm toán bâh ăp ngih dak tâm nkual n’hanh lam ntur neh, kơl an Kiểm toán ngih dak Việt Nam ƀư lôch geh nuĭh leo kan Đảng n’hanh ngih dak Việt Nam pă an tâm ban kơt ƀư lôch ăp nău dơhn kan đah ntŭk rêh jêng lam ntur neh.