Kêng măng 26/12, Kruanh Quốc hội Trần Thanh Mẫn wơt Đại sứ Australia Andrew Goledzinowski tât ntĭnh sĭt. Kruanh Quốc hội Trần Thanh Mẫn mbah rhơn Đại sứ hŏ lôch jêh nău kan ta Việt Nam; rhơn n’hanh rnê âk ăp nău rgop bah Đại sứ tâm năm kan, rgop n’hao tâm boh têh jong lam lĕ rngôch Việt - Australia hun hao nar lơn ma tâng jru.

 Kruanh Quốc hội lah rjăp, Việt Nam way ŭanh khlay ntrŭt ntrôl tâm boh tâm rnglăp n’hanh tâm boh tâm brê têh jong lam lĕ rngôch Việt – Australia lah ngoăy tâm ăp băl tâm boh dâk bôk năp trong tâm boh dak bah dih. Kruanh Quốc hội ŭch rŏng Đại sứ mbra geh rgop tay an ăp trong tâm boh bar dak, n’hao dăng lơn đŏng tâm ăp trong kan wăng sa, văn hóa, ntĭm nti, ŭnh nar; Đại sứ mbra geh âk nău nchih lơn mpeh neh dak n’hanh kon  nuĭh Việt Nam gay an ăp nuĭh ƀon lan Austrailia wât âk lơn mpeh Việt Nam.