Ôi 21/6, ta Jay Quốc hội, Kruanh Quốc hội Trần Thanh Mẫn wơt Tổng thư ký Hạ viện Ma-rốc Najib El Khadi, Kruanh Hiệp hội ăp Tổng Thư ký nghị viện lam ntŭr neh. Kruanh Quốc hội lah rjăp, Việt Nam uănh khlay tâm boh tâm rnglăp, tâm boh âk ntil đah Ma- rốc; ŭch rŏng tâm boh ta âk  ntil gay bar ding ndrel hun hao; mbah rhơn Ma-rốc dơi geh ăp nău dơi wăng sa- rêh jêng kon nuĭh tâm bah ri aơ nơh, lơn lah jâng wăng sa têh tâl 5 ta nkual châu Phi.

Kruanh Quốc hội Trần Thanh Mẫn an lah. Quốc hội Việt Nam n’hanh Hạ viện, Thượng viện Ma-rốc hŏ tâm ŭch kơl nsum ta ăp rơh rgum nchră Nghị viện Châu Á - Thái Bình Dương, Liên minh Nghị viện lam ntŭr neh. Let năp tay, Kruanh Quốc hội dăn đă, Quốc hội/Nghị viện bar dak tâm khâl nsum n’hanh ăp rơh tâm mâp gưl têh, ăp gưl gay nkoch nău tă ơm gĭt kan tâm pah kan njêng pháp luật; tâm boh lhăt ta ăp ntŭk rgum nchră âk ding, tâm rgop nghị viện nkual n’hanh lam ntŭr neh.