Kêng măng (5/3), ta Ngih Quốc hội, Bí thư Đảng Đoàn Quốc hội, Kruanh Quốc hội Vương Đình Huệ ƀĭt joet rơh pah kan đah Đảng đoàn Quốc hội đah Ban Thường vụ Thành ủy Hà Nội mpeh Luật Thủ đô (nkra rgâl); Dăp rgum Thủ đô Hà Nội năm 2021-2030, uănh tât năm 2050 n’hanh Đồ án nkra rgâl dăp rgum nsum Thủ đô Hà Nội tât năm 2045, uănh tât năm 2065.

Ntoh ngơi ta rơh pah kan, Kruanh Quốc hội Vương Đình Huệ lah rjăp, nău mbơh an Quốc hội uănh mĭn tay, tă bah nău nchrăp ƀư Luật Thủ đô (nkra rgâl) n’hanh an rgop nău mpeh Dăp rgum Thủ đô, Đồ an nkra rgâl Dăp rgum nsum Thủ đô ta ndrel du rơh rƀŭn mbra nta an trong ƀư dŭt khlay an Thủ đô hun hao. Ăp nkô̆ nău aơ gay rgâl nău mĭn, nău rƀŏng, trong nchrŏng têh tâm ăp Nghị quyết bah Đảng, lơn lah Nghị quyết bah N’gâng kan Chính trị mpeh trong hăn, nău kan hun hao Thủ đô Hà Nội tât năm 2030, uănh tât năm 2045 n’hanh rgop ntĭm rđău bah Tổng Bí thư Nguyễn Phú Trọng đah ndâk njêng, hun hao thủ đô.