Kêng măng 13/3, ta Ngih kan Quốc hội, Uỷ ban Rnâng kan Quốc hội ndrel Uỷ ban Trung ương MTTQ Việt Nam ƀư nau rƀŭn lôch 5 năm ƀư nau ntrŭnh tâm rgop đah Uỷ ban Rnâng kan Quốc hội ndrel Rmôt Kruanh uỷ ban Trung ương MTTQ Việt Nam. Ntoh nau tâm nar rƀŭn, Kruanh Quốc hội Vương Đình Huệ kơp dơn, rnê prêh MTTQ Việt Nam, ăp nŭih kan mro ƀư ntrŭnh jru nau ntrŭnh bah Đại hội tal XIII bah Đảng mpeh nau ƀư tĭng ƀon lan ƀư tơm xã hội chủ nghĩa, ndâk ndrel ƀư ueh n’hâm dăng tâm rnglăp lam rnoi mpôl, ƀư ueh nau kan:

“Đảng rđau, Ngih dak mât, Mặt trận Tổ quốc ndrel ăp ntŭk kan chính trị-rêh jêng ƀư nau leo tơm” ndrel nau mpŏng: “Ƀon lan gĭt, ƀon lan nchră, ƀon lan ƀư, ƀon lan mêt uănh, ƀon lan geh dŏng”. Tâm rơh tât, Kruanh Quốc hội Vương Đình Huệ đă bar ntŭk kan lŏ n’hao nau tâm rgop tâm nau ƀư nâp nau tâm rnglăp lam rnoi mpôl. Aơ lah nau vay ueh, trong kan khlay, mro mrăng bah Đảng, n’hâm dăng têh, nau ntrŭnh tât nau dơi bah nau kan ndâk ndrel mât neh dak./.