VOV4.M’nông – Ôi nar 2/10, Kruanh Quốc hội Vương Đình Huệ n’hanh mpôl pah kan bah Trung ương lĕ uănh nđôi nău ƀư tĭng ăp Nghị quyết bah Quốc hội đah nău nchrăp ƀư ntuh kơl ndâk ƀư trong cao tốc Bến Lức-Long Thành n’hanh tach ndeh păr Long Thành. Kruanh Quốc hội an lah, Tach ndeh păr Quốc tế Long Thành dơi uănh lah Nău nchrăp ƀư dŭt têh bah neh dak” nchrăp jêh n’hanh ndơ̆ an dŏng năm 2025, dơi ŭch geh mbra jêng ngoăy tâm ăp ntŭk nchoăt rdêng trong mpăr mhe bôk năp ta nkual Đông Nam Á.

Kruanh Quốc hội Vương Đình Huệ an ndơ an rnăk ƀon lan ntŭk gŭ mhe

Gay jêh di nar n’gluh an, Kruanh Quốc hội Vương Đình Huệ đă n’gor Đồng Nai rgum âk, mkra jêh trong kan sŏk neh, jao an nuĭh ntuh kơl, pă sam ƀŭt kơp dơn neh; uănh mĭn tay ntuh kơl jêh ăp ndơ ƀư ntung trong rhŏ an nuĭh ƀon lan, uănh mĭn ntĭm nti nău kan an nuĭh ƀon lan dơi dơh joi nău rêh, đăp mpăn nuĭh ƀon lan geh nău rêh tâm ban mô lah âk lơn ta ntŭk gŭ ơm.

VOV.VN/Nuĭh rblang: Y Sưng Phê Ja