Dơn nău jkă bah Kruanh Quốc hội dak Campuchia, Kruanh Hội đồng Liên Nghị viện ăp dak Đông Nam Á (AIPA) Samdech Heng Samrin, ôi aơ 19/11, Kruanh Quốc hội Vương Đình Huệ leo Mpôl đại biểu gưl prêh Quốc hội Việt Nam lĕ ntơm hăn khâl na nê̆ dak Campuchia n’hanh râng Đại hội đồng Liên nghị viện ăp dak ASEAN rơh tal 43 (AIPA-43) bah nar 19/11-22/11.

Kruanh Quốc hội Vương Đình Huệ khâl na nê̆ Campuchia

Rơh khâl na nê̆ tât dak Campuchia bah Kruanh Quốc hội Vương Đình Huệ n’hanh Mpôl đại biểu gưl prêh Quốc hội dak he hăn gay ntrôl tâm boh “oh nô uĕh lăng, dăch dêh way ơm, kan ndrel lĕ rngôch, nâp nâl jŏ jong” đah 2 dak nar lơ hăn jru, ngăn ngên n’hanh săk rnglăy lơn. Tâm rgâl mpeh trong kan ndrel đah ngih pah kan lập pháp 2 dak tâm năm tât lĕ tâm rnôk ăp ding n’hanh ăp trong; tâm rgâl nău rgop mpeh nău lam ntŭr neh n’hanh nkual ma 2 ding ndrel uănh.