Ôi lơ 23/11, ta ntŭk kan Hạ viện ta Thủ đô Manila, Kruanh Hạ viện Martin Romualdez ƀư tơm nar bơt Kruanh Quốc hội Vương Đình Huệ ndrel rmôt kan ntoh măt gưl prêh Quốc hội Việt Nam khâl ngăn dak Philippines. Aơ lah rơh khâl Philippines rơh bôk năp bah rđau kan tơm bah Việt Nam tâm năm 2022 ndrel Kruanh Quốc hội Việt Nam jêh 16 năm, nkre lah ngoai tâm ăp rơh hăn khâl bôk năp bah nŭih dâk bôk Quốc hội dak ba dih tât Philippines, jêh rnôk Philipnes ƀư dơi rơh săch kan (5/2022) ndrel geh rđau kan Hạ viện ndrel Thượng viện mhe (7/2022).

Tĭng bôk rơh hăn khâl, ndrel ma nau ntrŭt dăng nau tâm boh đah ntŭk kan ndâk pháp luật bar dak, Kruanh Quốc hội Vương Đình Huệ ndrel rđau kan gưl prêh Philippines mra tâm nchră mbơh ăp nau kan gay ma ntrŭt dăng nau tâm boh bar ding tâm âk nau kan, ƀư jru nâp lơn tay nau tâm boh kan nsum Việt Nam-Philippines lah nsum ndrel nau tâm boh đah rđau kan gưl prêh bar dak lah êng./.