Ôi lơ 11/3, ta Ngih kan Quốc hội, Đảng uỷ rmôt ăp ntŭk kan Trung ương, Đảng bộ Văn phòng Quốc hội hŏ ƀư nau pă Huy hiệu 40 năm lăp Đảng ân Kruanh Quốc hội Vương Đình Huệ. Kruanh Quốc hội Vương Đình Huệ geh deh luh ntơm bah rnăk vâl cách mạng, geh lăp Đảng rnôk dôl ƀư giảng viên ngih săm ƀŭt Đại học Tài chính Kế toán Hà Nội.

Ntoh nau tâm nar rƀŭn, Râng kan Ban Bí thư, Kruanh Rnâng kan Trung ương Trương Thị Mai lah rjăp, lôch 40 năm dâk tâm rmôt kan bah Đảng, bol ma tâm boh nau kan, nau ƀư, wa Vương Đình Huệ mro ƀư ueh nau kan ma Đảng, ma neh dak ndrel ƀon lan, ƀư rjăp chủ nghĩa Mác Lê-nin, nau mĭn Hồ Chí Minh, nkô̆ nau đăp mpăn rnoi mpôl ndrel chủ nghĩa xã hội.

Wa mô rlu ntĭm nti, chiărr nti, n’hao nau dơi leo trong lor ndrel ma rmôt Ban chấp hành Trung ương, Bộ chính trị, Ban Bí thư mô rlu nsôih rgop nau ân nau rgâl mhe, ndâk njêng ndrel mât neh dak./.