Ntơm pơk rơh rƀŭn nchră, Kruanh Quốc hội Vương Đình Huệ an gĭt, ta rơh rƀŭn nchră aơ, ăp Đại biểu Quốc hội pah kan way kan an tâm rgop nău đah 8 nău nchrăp luật.

Đă ăp đại biểu rgum mbơh rblang ăp nkô̆ nău hôm nha geh âk trong kan êng êng, uănh nđôi ăp nău kan na nê̆ tâm nău nchrăp kan luật lĕ geh mât đăp mpăn tâm di hiến pháp, hợp pháp, nău dơn ngoăy, tâm ban đah ăp luật mhe geh ntrŭnh đong lah mô? Ta meng nĕ mât uănh tât ăp nău ntrŭnh mpeh rnoh dŏng pháp luật. Ngăn lah, an geh uănh nđôi gay ma mô geh nău khuch, njrăng nău mât kơl tih nău kơl an”, ƀư ndrel nău geh nsum, nău geh bâh ntŭk kan mât uănh ma ê hŏ uănh n’hêl tâm di tât ăp nău dơi n’hanh nău geh hợp pháp, tâm di bâh ƀon lan n’hanh doanh nghiệp.