Ôi 08/4/2024, Kruanh Quốc hội Vương Đình Huệ hŏ ôp srĭng nău wa Tập Cận Bình, Tổng Bí thư Ban Chấp hành Trung ương Đảng Cộng sản Trung Quốc, Kruanh dak Cộng hòa Nhân dân Trung Hoa.

Aơ lah kruanh rđău kan Trung Quốc lor bôk năp ma  Kruanh Quốc hội Vương Đình Huệ ôp srĭng nău tâm rnôk hăn khâl ngăn Trung Quốc. Nău Tổng Bí thư, Kruanh dak Trung Quốc Tập Cận Bình dăp rgum mông nar an Kruanh Quốc hội Vương Đình Huệ lor bôk năp lôch rnôk mpôl hăn tât Bắc Kinh mpơl nău uănh khlay tâm boh bar dak n’hanh hăn khâl bah mpôl đại biểu gưl têh bah Đảng n’hanh Ngih dak Việt Nam. Bar kruanh rđău kan mpơl nău rhơn bah năp trong hun hao uĕh bah tâm boh Việt Nam - Trung Quốc, lah rjăp mbra n’hao dăng tâm nđŭr ƀon lan, ntik n’hao nău khlay kan bah đại biểu Quốc hội, Nhân đại bar dak tâm nău nkoch trêng nău lư,  njêng nău tâm ban ŭch lam rêh jêng kon nuĭh, bah nê ntrôl dăng tâm boh đah bar dak ta ăp trong kan. Rnê  âk n’hanh mpơl nău ŭanh khlay ăp nău dăn đă tâm boh bah Việt Nam, Tổng Bí thư, Kruanh dak Trung Quốc Tập Cận Bình lah rjăp Trung Quốc mbra ndrel Việt Nam mât mbro tâm ôp trong kan têh jong, ntrŭt ntrôl tâm mâp gưl têh n’hanh ăp gưl, n’hao dăng tâm nđŭr, tâm boh trong kan Đảng, nkoch nău tă ơm gĭt, lý luận mpeh rdâk njêng Đảng n’hanh mât uănh ngih dak, n’hao dăng tâm boh ngăn ngăn, ntrôl ngăch buăt nthoi  têh jong, rhơn rnê Việt Nam râng buăt nthoi đah ăp trong nchrăp hun hao têh jong ta nkual têh hvi bah Trung Quốc.