Kêng măng 26/1, Kruanh Quốc hội Vương Đình Huệ hŏ pah kan đah Rnâng kan n’gor uỷ Gia Lai. Ntoh nau tâm nar pah kan, Kruanh Quốc hội Vương Đình Huệ rnê prêh nau sŏng dăng rđau kan bah n’gor Gia Lai ndơn ăp nau jêr, nau ê dơi bah n’gor ndrel ân lah, uănh sŏng gay ma ndơn saơ ăp nau ê dơi gay nsôih rklaih lah nau khlay. Đah nuih n’hâm mô ân “bôk năm ƀư mbrơi, dŭt năm njăch ndăn”.

Kruanh Quốc hội nkah n’gor ƀư ân dơi nkô̆ nau rnoh geh ndoh ndơ bah lam n’gor bah năm 2024; rklaih ăp nau kol, nau ê dơi mpeh ăp nau kan kơt ntĭm nti, n’hao rmôt rđau kan, ngăn lah cán bộ bu ur ndrel rmôt rđau kan gưl xã, ƀư ueh nau kan rgâl mhe hành chính, pă tơm prăk ntuh kơl nsum, kuăl jă rgum ntuh kơl ê nkra ndơ tuch tăm, si gle gay n’hao rnoh geh, ngăn lah ăp ntil ndơ OCOP./.