Tâm trôm rơh khâl na nê̆ Trung Quốc, kêng măng nđaơ, 9/4, ta thủ đô Bắc Kinh, Kruanh Quốc hội Vương Đình Huệ râng rƀŭn nchră mpeh “Nkra rgâl doanh nghiệp ngih dak n’hanh mât uănh prăk ngih dak ta doanh nghiệp Việt Nam-Trung Quốc.

Ntoh ngơi ntơm rƀŭn nchră, Groi Thủ tướng chính phủ Trần Lưu Quang rnê rhơn n’hanh uănh lah prêh nău nsrôih bah ăp ding geh tât lĕ tâm rgop ƀư rƀŭn nchră; nkre lah rjăp kan ndrel wăng sa-tăch rgâl-ntuh kơl lah nsum n’hanh kan ndrel đah nsum mpôl doanh nghiệp 2 dak. Ta rơh rƀŭn nchră, đại biểu 2 dak lĕ tâm rgâl mpeh săk rnglăy, nău blău ơm mpeh mât uănh prăk n’hanh drăp ndơ ngih dak ta Trung Quốc; nău blău ơm n’hanh ăp nău n’gluh an đah nău nkra rgâl doanh nghiệp ngih dak ta Việt Nam n’hanh ăp nkô̆ nău têh êng dơi uănh tât; tâm rgâl ndrel, tâm nchră gay mât uĕh lơn tay ƀư tơm n’hanh nău khlay bah doanh nghiệp ngih dak đah jâng wăng sa ăp dak lah êng, kan ndrel wăng sa 2 dak lah nsum.