Tâm rnôk hăn khâl ngăn dak Cộng hòa Philippines, ôi 24/11, ta Thủ đô Manila ƀư rgum nchră ntuh kơl - tăch rgâl Việt Nam - Philippines. Kruanh Quốc hội Vương Đình Huệ n'hanh Kruanh Thượng viện Philippines Hoan Mi-gheo Du-bi-ri râng rơh tâm nchră. Lah ta rơh rgum nchră, Kruanh Quốc hội Vương Đình Huệ lah rjăp, nău tât râng âk mpưm bah ăp nhih pah kan, doanh nghiệp bar dak n'hanh lơn lah Kruanh Thượng viện lah nău nsŭk nsôr, rgŏ jă, ƀư nđơr an nuih n'hâm ntơm njêng nău kan, nuih n'hâm ntuh kơl mô dơn ăp nuĭh ntuh kơl, ăp doanh nghiệp râng rgum nchră ma hôm lĕ ma nsum mpôl doanh nghiệp, nuĭh ntuh kơl bar dak đŏng.

Kruanh Quốc hội ŭch rŏng, ăp doanh nghiệp tâm dâl nău, nkoch ăp nkô̆ nău uănh khlay tât ntŭk ntuh kơl tăch rgâl ta Việt Nam gay ăp n'gâng kan bah Việt Nam ơh rblang dĭl; mpŏng mbra geh ăp bôk buăt nthoi đah doanh nghiệp n'hanh doanh nghiệp gay tâm joi gĭt nsum, geh ăp trong tâm boh nsum, ndơ̆ tâm boh nsing nơm chính trị mpeh tâm boh đah bar dak lah suan ntrôl an hun hao wăng sa n'hanh tâm di đah tâm boh têh jong bah bar dak.

VOV/Nuĭh rblang: Điểu Thân