Tâm rơh hăn khâl ngăn Australia, lơ 2/12, Kruanh Quốc hội Vương Đình Huệ hŏ râng tâm nchră tâm boh nau kan ntĭm nti Việt Nam-Australia. Kruanh Quốc hội Vương Đình Huệ lah rjăp, tâm bơi 50 năm ma aơ, nau tâm boh nau kan ntĭm nti mro lah n’gâng tơm ndrel lah nau ang tâm nau tâm boh bar dak. Rnôk aơ geh nklăp 30 rbăn sinh viên Việt Nam dôl ntĭm nti, mĭn kan ta Australia.

Kruanh Quốc hội rnơm lah, nau tâm nchră mra pơk luh du rơh mhe ân nau tâm boh đah bar ding du trong nâp nâl, jŏ jong, rgop nau ƀư n’hao lơn tay nau tâm boh kan nsum đah Việt Nam ndrel Australia. Tâm rnôk tâm nchră, Kruanh Quốc hội Vương Đình Huệ, nŭih ntoh măt bah Australia ta Việt Nam, wa Andreu John Goledzinowski nkô̆ râng ăp ngih săm ƀŭt Đại học Việt Nam ndrel Australia tâm rgâl 12 nau ntrŭnh, nau nkah mpeh nau tâm rgâl sinh viên, nai ntĭm ndrel tâm boh mĭm rvê, tâm rgop ntĭm nti tâm ăp nau kan kơt: gung trong nchuăn rdeng, tuch tăm, kỹ thuật./.