Kêng măng 3/4, Kruanh Quốc hội Vương Đình Huệ ƀư tơm rơh pah kan đah Ủy ban Dân tộc n’hanh ăp Ủy ban bah Quốc hội gay mĭn uănh mpeh lôch jêh pah kan Quý I, an ƀư nău kan Quý II.

Tĭng nău mbơh, Quý I, ăp nhih pah kan hŏ nsŏng kơl, rhŏ dŏng ƀư geh nău dơi 2 rơh hop ndal bah Quốc hội, 8 rơh hop bah Ủy ban Thường vụ Quốc hội, …Tâm quý II dja, ăp nhih pah kan bah Quốc hội mbra ƀư lôch jêh hồ sơ, tài liệu hao rblang dăn Quốc hội uănh an dŏng ta rơh hop tâl 7 đah 9 trong nchrăp luật, 1 trong nchrăp nghị quyết… mpeh pah kan bah khay 4, quý 2, rgum tơm lah nchrăp an tâm nchră Trung ương 9; rơh hop Quốc hội tâl 7, Kruanh Quốc hội Vương Đình Huệ dăn đă lôch rơh hop dja, Tổng thư ký, Chủ nhiệm Văn phòng Quốc hội gŭ mĭn, djăt nău rgop ta rơh pah kan gay ra uănh tay lam lĕ rngôch ăp nkô̆ nău pah kan ntơm bah aơ tât lĕ quý II.  Đah ăp siƀŭt pháp luật n’hanh siƀŭt quy phạm pháp luật, ân ra uănh tay n’glăp tâm bôk nău kan bah rơh hop Ủy ban Thường vụ tâl 32, 33 tĭng du đêt nău way. Lĕ rngôch ăp nkô̆ ntơm bah aƀaơ tât lĕ quý 2, an ƀư lor bôk năp rơh hop tâl 7, Quốc hội khóa 15.