VOV4.M’nông – Kêng măng 29/9, ta Ngih Quốc hội Vương Đình Huệ lĕ rgum nchră đah Thủ tướng Cuba Manuel Marrero Cruz dôl hăn khâl dăch dêh na nê̆ Việt Nam bah nar 28/9-2/10. Ta nar rgum nchră, Kruanh Quốc hội Vương Đình Huệ mĭn lah Quốc hội n’hanh nuĭh ƀon lan Việt Nam gŭ bah meng kơl nău kan cách mạng chính nghĩa bah nuĭh ƀon lan Cuba oh nô; uănh khlay, mât ndrăy n’hanh rgop hun hao lơn tay nău tâm rnglăp, dăch dêh n’hanh tâm boh kan ndrel đah Việt Nam n’hanh Cuba.

Kruanh Quốc hội Vương Đình Huệ rgum nchră đah Thủ tướng Cộng hòa Cuba

Kruanh Quốc hội mĭn lah, Quốc hội Việt Nam mbra kan ndrel tay đah Quốc hội Cuba gay tâm rgâl nău blău ơm mpeh trong kan ndâk njêng pháp luật, groi nđôi, nkre kan ndrel rjăp ta ăp rơh rƀŭn nghị viện lam ntŭr neh n’hanh nkual. Thủ tướng Cuba mĭn lah Cuba uănh lah prêh nău dăch dêh way ơm đah 2 dak lĕ dơi Kruanh Hồ Chí Minh n’hanh Kruanh Phi-đen n’gâng tơm, dơi âk rơh kruanh n’hanh nuĭh ƀon lan 2 dak mât ndrăy.

VOV.VN/  Nuĭh rlang: Y Sưng Phê Ja