Kruanh Chính hiệp lam dak Trung Quốc Vương Hộ Ninh rnê Kruanh Quốc hội Vương Đình Huệ tât khâl ngăn Trung Quốc rơh bôk năp đah nău kan mhe. Bar hê nuĭh leo kan tâm ban ŭch ƀư ueh nău tâm kơl kan đah Mặt trận Tổ quốc Việt Nam n’hanh Chính hiệp lam dak Trung Quốc, n’hao nău tâm kơl đah Mặt trận Tổ quốc Việt Nam n’hanh chính hiệp lam dak Trung Quốc, n’hao nău tâm mbơh tă blău kan gay ma ndrel n’hao nău ueh, săk rnglăy ngăn nău kan bâh ăp ntŭk kan tâm nău rêh chính trị bâh ăp dak. Kruanh Quốc hội đă 2 ding an geh ntrôl tâm kơl tăch rgâl hun hao tĭng trong tâm ban, nâp nâl, n’hao nău tâm kơl kan, tâm rgop ta trong neh, trong loih, ntrŭt đă ăp doanh nghiệp Trung Quốc ntuh kơl ƀư ăp nău kan têh, ueh, ntoh lư an nău hun hao bâh Trung Quốc, ƀư ueh ăp nău kan tâm mâp tâm rnglăp, tâm nđur ƀon lan kơt Liên hoan mom ndăm, rơh tâm mâp ƀon lan, tâm nđur đah ăp nuĭh kan bâh Mặt trận Tổ quốc Việt Nam n’hanh Chính hiệp lam dak Trung Quốc kơt công đoàn, bu ur.

Tâm rơh hăn khâl na nê̆ dak CHND Trung Hoa bah Kruanh Quốc hội Vương Đình Huệ, ôi 9/4, ta Bắc Kinh, Hãng hàng không ngih dak Việt Nam ƀư nkah gĭt 30 năm trong mpăr n’hanh mbah rhơn rơh mpăr tal 100.000 trong mpăr Việt Nam-Trung Quốc. Tâm 3 rach năm, kơp bah rnôk pơk dŏng ta Trung Quốc, Vietnam Airlines lĕ ƀư 100.000 rơh mpăr, rdêng rlău 11 rkeh nuĭh năch n’hanh 166 rbăn tấn ndoh ndơ.

Dôl uănh, mhe rlău âk jêrbah Covid-19, Vietnam Airlines lah ngoăy tâm âk Hãng hàng không bôk năp nthoi trong mpăr tât Trung Quốc n’hanh nsrôih mât ăp nău kan ntrŭt ngăch trong mpar, pâl nđaih ta aơ jêh rnôk srê dơi uănh nđôi. Ta nău ƀư, Vietnam Airllines n’hanh ăp nuĭh kan ndrel bah Trung Quốc lĕ ký ton kan ndrel ăp ding n’hanh n’hao tâm rgop, kan ndrel ta ăp trong mpăr đah Việt Nam n’hanh Trung Quốc.