Kêng măng 23/11, ta Thủ đô Manila, Philippines, jêh rnôk râng nau ƀư nau kan Thượng viện nchră nau ntrŭnh mrô 26 mpeh nau n’hao nau tâm boh đah Quốc hội Việt Nam, Kruanh Quốc hội Vương Đình Huệ hŏ tâm nchră đah Kruanh Thượng viện Philippines Juan Miguel Zubiri. Tâm nar tâm nchră, Kruanh Quốc hội Vương Đình Huệ rnơm lah, đah nau rđau kan bah Tổng thống, Kruanh Thượng viện ndrel Kruanh Hạ viện, neh dak Philippines mra lơn nâp nâl, nau kan ndrel nau dơi nar lơn prêh tâm nkuăl ndrel tâm lam ntur neh.

Bar Kruanh rnê prêh nau tâm boh đah ntŭk kan ndâk njêng pháp luật bah bar dak tâm lĕ nau kan bar ding ndrel âk ding, lah rjăp nau kơl an bah nau tâm boh nghị viện tâm nau n’hao lơn tay nau tâm boh âk ding kŏ kơt lah bar ding đah ăp dak. Tâm rơh tât, bar rđau kan tâm ban nau mra lŏ mât nau kan tâm nchră rmôt, ngăn lah rmôt kan rđau kan gưl prêh bah 2 ntŭk kan ndâk pháp luật 2 dak, n’hao nau tâm nchră nau tă blau kan đah ăp Uỷ ban mpeh nau kan ndâk njêng pháp luật ndrel mêt uănh, mât nau tâm nchră, tâm rgop ndrel tâm kơl tâm ăp nau kan âk ding./.