Pă ndơ an rlău 360 rnăk dơi kơl, nuĭh geh kan kăl e, rnăk ach o, nuĭh ntưp dak si khĭh dioxin, nuĭh pah kan geh nău rêh jêr jŏt ta ngih văn hóa n’gor Bạc Liêu, kruanh QH Vương Đình Huệ lah na nê̆, Đảng, ngih dak tâm ban Qh, Chính phủ tâm ăp nău ntrŭnh kan bâh nơm an geh nsrôih gay ma hun hao wăng sa- rêh jêng gay ma nkô̆ ŭch têh lah mât kơl an nuĭh ƀon lan. Tâm let năp tay, kruanh Qh đă ăp gâl ủy Đảng, n’gâng kan, mặt trận tổ quốc n’hanh ăp mpôl kan tâm n’gor mât uănh, mbơh tơih ƀư tĭng ueh nău ntrŭnh mbrô 26 bâh Ban Bí thư mpeh nău leo kan tết Giáp Thìn năm 2024, mât đăp mpăn an nuĭh ƀon lan, mât kơl an rnăk dơi kơl, rnăk geh kan đah cách mạng, ăp nuĭh geh nău rêh jêr jŏt geh rhơn năm mhe, vơt tết ueh răm n’hanh đăp mpăn.

Tâm kêng măng lơ 25/1 đŏng, kruanh QH Vương Đình Huệ n’hanh mpôl pah kan trung ương tâm mâp măt rnâng kan n’gor Ủy Bạc Liêu. Kruanh QH nkah đă n’gor an geh ngăch ndăn rdâk njêng nău nchrăp kan, bôk nău pah kan an tâm di đah nău nchrăp kan bâh nău knơm an geh âk ntuh kơl, sŏk dŏng âk nău dơi, nău geh ta ntŭk, hun hao wăng sa rêh jêng n’hanh mât đăp mpăn rnă njrăng ngih dak, rnă njrăng ta nkual đồng bằng sông Cửu Long tât năm 2030, mpŏng uănh tât năm 2045.