Kêng măng 10/4, ta Nkuăl ƀon têh Thượng Hải, Kruanh Quốc hội Vương Đình Huệ hŏ vơt rđau kan ăp rmôt kan, công ty têh bah Trung Quốc tâm nkuăl ƀon têh Thượng Hải. Vơt rmôt kan TCL, wa Wang Cheng, Giám đốc rđau rmôt kan mbơh, tâm Việt Nam, TCL hŏ ntuh kơl 3 ngih máy ƀư kan tâm Bình Dương ndrel Quảng Ninh đah rnoh prăk ntuh kơl rlau 100 rkeh đôla ndrel nau dăng geh 6 rkeh ndơ/năm. Tâm rnôk tât, rmôt kan TCL mra pơk hvi nau kan hŏ geh ƀư ndrel ndâk âk ngih máy mhe, mbơh ma ăp tơm ntuh kơl tât Việt Nam, gay ƀư jêh nau kan.

Kruanh Quốc hội Vương Đình Huệ rnê prêh nau kan bah TCL ta Việt Nam. Tâm nar vơt wa Trương Thiên Nhiệm, Kruanh nkre Bí thư Đảng uỷ rmôt kan ndrel ăp nŭih kan gưl prêh êng bah rmôt kan tianneng, Kruanh Quốc hội rnê rmôt kan săch Việt Nam ƀư ntŭk tât ntuh kơl, ŭch nau kan ơm lăp kan, rgop âk tâm nau hun hao bah n’gor kŏ kơt lah Việt Nam, n’hao nau tâm boh kan tăch rgâl, ntuh kơl đah Việt Nam-Trung Quốc./.