Kêng măng ntri (16/11), ta Jay Quốc hội, Kruanh Quốc hội Vương Đình Huệ wơt Đại sứ Cộng hoà Pháp ta Việt Nam Nicolas Warnery. Ta rơh wơt, Kruanh Quốc hội an lah, năm khay krêp dêh n'hanh nău gĭt wât mpeh Việt Nam lah tơm ndơ khlay gay Đại sứ ƀư lôch jêh uĕh năm kan bah he, rgop uĕh tâm ntrŭt ntrôl tâm boh têh jong Việt Nam- Pháp n'hanh tâm boh tâm rnglăp, tâm boh uĕh lăng đah Quốc hội Việt Nam đah Nghị viện Pháp. 

Đại sứ Nicolas Warnery an lah tâm 2 năm aơ, bol geh tât khuch bah nuh srê Covid -19 yơn lôch tâm ôp ma trong pơk sŏng dăng, Quốc hội Việt Nam n'hanh Nghị viện Pháp, Rmôt Nghị sĩ tâm rnglăp bar dak hôm mât geh nău tam ăp nău kan tâm boh. Kruanh Quốc hội nkoch kloh, Việt Nam way uănh khlay tâm boh lam lĕ rngôch đah Liên minh châu Âu (EU) n'hanh đah Pháp tâm ban kơt ăp dak lăp kan nsum EU; ŭch rŏng dơn geh tay nău ŭch kơl bah Pháp tâm nău ntrŭt ntrôl dăng tay, geh nău tam lơn tâm  boh đah Việt Nam – EU. 

                 VOV/Nuĭh rblang: Điểu Thân