Kêng măng 8/3, Kruanh Quốc hội Vương Đình Huệ lĕ wơt Đại sứ Trung Quốc Hùng Ba ta Ngih Quốc hội gay tâm nchră mpeh tâm boh 2 Đảng, 2 dak n’hanh ngih pah kan lập pháp 2 dak.

Ta nar wơt, Kruanh Quốc hội Vương Đình Huệ uănh lah prêh ăp njoat hun hao tâm boh 2 Đảng, 2 dak năm bah năp, ngăn lah nău 2 ding tâm ban ŭch ƀư jru tay n’hanh n’hao tâm boh kan ndrel lĕ rngôch, ndâk njêng “Nsum mpôl nkoch rgŏ năp Việt Nam-Trung Quốc geh nkô̆ nău khlay”.

2 ding răm rhơn saơ năm bah năp, 6 trong kan ndrel têh đah 2 dak lĕ dơi mbơh ƀư n’hanh dơi geh âk săk rnglăy dŭt uĕh. Mpeh nău tâm boh đah 2 Quốc hội, Kruanh Quốc hội lah rjăp tâm dĭng lĕ nău nsrôih ntrôl “Nsing nơm chính trị nar lơ hao prêh lơn”, tâm boh kan ndrel ndrel đah Quốc hội 2 dak mô rlu dơi nâp nâl n’hanh hun hao hăn jru. Đồng chí Đại sứ mbra ntung nthoi săk rnglăy ăp ntil kan ndrel đah 2 dak, rgop ƀư uĕh nău wât nsum bah kruanh gưl prêh; ndơ̆ tâm boh 2 Đảng, 2 dak mô rlu hun hao hăn jru, đăp mpăn, uĕh lăng n’hanh nâp nâl jŏ jong.