Kêng măng lơ 16/4, ta Ngih Quốc hội, Kruanh Quốc hội Vương Đình Huệ wơt Groi Kruanh bôk năp Quốc hội Hungary wa bu ur Marsta Mátrai dôl geh rơh khâl, pah kan ta Việt Nam. Ta rơh wơt, 2 ding ndrel an lah, tâm boh kan ndrel lĕ rngôch Việt Nam n’hanh Hungary tâm âk năm bah năp hun hao uĕh ta lĕ rngôch ăp ntil nău, ta ăp trong, lơn lah chính trị-tâm rnglăp nchră nău bah dih-tăch rgâl, ntĭm nti, văn hóa.

2 dak mât ƀa ƀơ tâm rgâl mpôl kan ăp gưl, lơn lah ăp mpôl gưl prêh. Nău ƀư tâm rgâl mpôl kan lĕ n’hanh dôl rgop ndơ̆ tâm boh 2 dak hao prêh mhe. Kruanh Quốc hội đă 2 ding ƀư tĭng tay ăp nkô̆ nău tâm ton kan ndrel đah Quốc hội 2 dak lĕ dơi ký năm 2022. Kruanh Quốc hội mbah rhơn Hungary dơn ƀư lôch uĕh rơh Kruanh tâm pleh bah Hội đồng EU, mpŏng ŭch ta nău kan aơ, Hungary mbra ntrôl tâm boh kan ndrel đah EU n’hanh ASEAN n’hanh tâm boh kan ndrel đah Việt Nam n’hanh EU.