Ôi 27/3, ta Jay Quốc hội, Kruanh Quốc hội Vương Đình Huệ wơt Thượng nghị sỹ, wa bu ur Kirsten Gillibrand, Kruanh Tiểu ban ăp nău ntêt nkri mhe ntoh, Ủy ban quân vụ Thượng viện Hoa Kỳ n’hanh ăp nuĭh tâm mpôl hăn lah ăp Thượng nghị sỹ, Hạ nghị sỹ, ăp chính đảng, ăp tiểu bang bah Hoa Kỳ dôl geh hăn khâl n’hanh pah kan ta Việt Nam.

          Ta rơh wơt, bar ding mĭn lah nău bar ding n’hao têh tâm boh jêng tâm boh têh jong lam lĕ rngôch hŏ  jêng suan ntrôl n’hanh pơk luh ntŭk gŭ rêh mhe gay bar dak n’hao dăng tâm boh ta lĕ rngôch ăp trong kan Đảng, Ngih dak, Quốc hội n’hanh tâm nđŭr ƀon  lan; ta lĕ rngôch ăp trong kan, tâm nê geh ăp trong kan geh nău đăt ndal kơt rgâl mhe, trí tuệ nhân tạo, ntĭm nti tơm  nuĭh kan, tâm boh ƀư chíp, bán dẫn, rgâl ŭnh nar, rêng pă an, ndơ̆ rgâl ŭnh nar, thể thao, tâm boh ƀon lan  ma trong ntĭm nti. Việt Nam rnê âk Hoa Kỳ ŭch tĭng nău mĭn bah Việt Nam n’hanh ASEAN geh tât dak lêng; mpŏng Quốc hội Hoa Kỳ mbra mât uănh khlay tay đah nkô̆ nău dak lêng;  ntop kơl tay Việt Nam n’hanh ăp dak tâm nkual n’hao nău dơi nchuăn rdeng dak lêng; ntrŭt nsôr ăp doanh nghiệp pring Hoa Kỳ tĭng ƀư ăp nău kan lơh joi tâm di tâm nkual wăng sa, mpeh bah n’har  dak  lêng bah Việt Nam.