Gŭ khâl tay dak Cộng hòa Nhân dân Trung Hoa, ôi 12/4, ta nkual ƀon têh Côn Minh, n’gor Vân Nam, Kruanh Quốc hội Vương Đình Huệ wơt kruanh rđău kan du đêt Tập đoàn bah Trung Quốc.

Wơt kruanh Tập đoàn SUNWAH Jonathan Choi, Kruanh Quốc hội rhơn rnê Tập đoàn hun hao tay ta Việt Nam, lơn lah nkual công nghiệp ta Lào Cai. Kruanh Quốc hội ŭch rŏng Tập đoàn rgum ntrŭt  ntrôl  tâm boh đah ăp n’gor n’har bri Việt Nam đah ăp n’gor bah Trung Quốc; gŭ mĭn buăt nthoi tâm boh 3 ding tâm ndơ̆ rgâl công nghệ n’hao nău dơi kan buăt nthoi rêng rnoh khlay ndơ geh ƀư. Ta rơh wơt kruanh rđău kan Tập đoàn Ntuh kơl ŭnh nar Vân Nam (YEIG), Kruanh Quốc hội rnê âk nău dăng geh bah tập đoàn tâm nău đăp mpăn ŭnh nar an n’gor Vân Nam, tâm nê geh ŭnh nar kloh uĕh. Nsing ta dăp rgum điện VIII bah Việt Nam, Tập đoàn mbra gŭ mĭn râng tâm boh hun hao mhe 1 đêt trong nchrăp kan ŭnh nar kloh uĕh. Kruanh Quốc hội lah rjăp tâm boh rdâk njêng mpông n’har bri ăp tŏng nău lư, ntrôl ngăch mbluh soih trong ndơ tăch; mpŏng doanh nghiệp bar dak n’hao dăng ntuh kơl tâm ntŭk tăch rgâl nsum lĕ ma  ntuh kơl, ƀư njêng./.