Nkhêp geh wa Tô Lâm dơi Quốc hội khoá XV sơch ƀư  Kruanh dak Cộng hòa xã hội chủ nghĩa Việt Nam, kruanh rđău kan ăp dak Cộng hòa dân chủ Nhân dân Lào, Cộng hòa Nhân dân Trung Hoa, dak Campuchia hŏ njuăl nău ôp khâl n’hanh mbah rhơn. Tổng Bí thư, Kruanh dak Cộng hòa dân chủ Nhân dân Lào Thongloun Sisoulith dŭt rhơn nđơr n’hanh mbah rhơn wa Tô Lâm nkhêp geh păng dơi sơch ƀư Kruanh dak Cộng hòa xã hội chủ nghĩa Việt Nam ta rơh hop tâl 7 Quốc hội khóa XV, mpơl nău nsing nơm n’hanh rnê âk bah Đảng, Ngih dak n’hanh ƀon lan Việt Nam rong an wa.

Kruanh dak Cộng hòa Nhân dân Trung Hoa Tập Cận Bình mbah rhơn wa Tô Lâm dơi sơch ƀư Kruanh dak Cộng hòa xã hội chủ nghĩa Việt Nam. Nkre  mpơl nău uănh khlay tâm boh Trung - Việt, mbra ndrel Kruanh dak Tô Lâm mât trong tâm khâl têh jong, têk leo nău rdâk njêng nsum mpôl tâm kơl let năp tay Trung Quốc - Việt Nam lăp tâng jru n’hanh ngăn ngăn, dăn an Kruanh dak geh âk nău dơi têh kuâng lơn đŏng kalơ nău kan mhe. Kađăch Campuchia mbah rhơn Kruanh dak Tô Lâm hŏ dơi Quốc hội dak Cộng hòa xã hội chủ nghĩa Việt Nam sơch ƀư Kruanh dak n’hanh nsing nơm an lah ta nâm nău rđău kan bah Kruanh dak, dak Cộng hòa xã hội chủ nghĩa Việt Nam mbra geh nău dơi têh kuâng, geh nău hun hao ngăch kalơ ăp trong kan n’hanh mât nău kan khlay tâm nkual n’hanh lam ntŭr neh.