Nkhêp geh Nar noel năm 2025, ntơh măt Ủy ban Trung ương Mặt trận Tổ quốc Việt Nam, Ủy viên Bộ Chính trị, Kruanh Ủy ban Trung ương Mặt trận Tổ quốc Việt Nam Bùi Thị Minh Hoài hŏ njuăl siƀŭt mbah rhơn tât ăp kruanh chroh, nuĭh ât săk gŭ lŭnh n’hanh lĕ rngôch ƀon lan Kitô chroh bap, chroh kon tâm lam dak.

Tâm siƀŭt njuăl, Kruanh Ủy ban Trung ương Mặt trận Tổ quốc Việt Nam njuăl nău mbah rhơn Noel uĕh lăng, rhơn răm, đăp mpăn, bêng ler nău tâm rŏng, ndrel ăp nău ôp khâl n’hanh mbah rhơn dŭt n’hâm tât ăp nuĭh kruanh chroh rƀŭn, nuĭh ât săk gŭ lunh n’hanh ƀon lan Kitô hữu Việt Nam. Mặt trận Tổ quốc Việt Nam nchih nkah n’hanh rnê âk nuĭh n’hâm “Ryơk brah – rŏng dak”, “Rêh uĕh lăng tâm nuih n’hâm rnoi nuĭh” bah ƀon lan chroh bap n’hanh chroh kon tâm bah ri aơ nơh. Âk kruanh chroh, nuĭh n’gât săk gŭ lŭnh, kon chroh hŏ ntĭt leo lor tĭng jăp gung trong bah Đảng, trong kơl, pháp luật bah Ngih dak; nsrôih rgŏ jă kon chroh râng ăp trong leo ƀư rŏng dak, ăp rơh rgŏ jă tă bah Mặt trận n’hanh ăp mpôl kan chính trị – rêh jêng kon nuĭh rgŏ jă.