Măng 24/12, nuĭh ƀon lan lam dak hŏ rhơn măng Noel tâm mông nar răm mƀak. Ta Hà Nội, âk mpưm nuĭh ƀon lan Thủ đô n’hanh năl pâl nđaih bah dih rgum sĭt nklang nkual ƀon têh, wăr Nhih brah têh, n’glău Hoàn Kiếm... wơt noel. Trôk măng Noel sơh uĕh, mô ir srŏ nđik, nta trong dơh an ăp nău kan pâl rlưn, hăn uănh bah nuĭh ƀon lan. Mô dơn ăp trong nkual ƀon têh wăr n’glău Hoàn Kiếm, nkual bah năp Nhih brah têh hŏ wăch rgum âk mpưm năch geh măt bah ơm gay hăn uănh pâl, chŭp rup nkah ndray đŏng. Tâm trôm nhih brah, dơi lĭr lơp chrêk ntơr uĕh đah ăp sre ŭnh n’hanh ăp jâng gung Noel, njuăl nău mpơl mpeh du măng noel uĕh mƀak, đăp mpăn, wăch rgum âk mpưm nuĭh ƀon lan n’hanh năch tât uănh pâl.

Nau khuh răm vơt Noel tâm Dak Lak hŏ geh tâm ăp ntŭk, đah âk nau ntor ueh tâm bri n’ik bah Tây Nguyên. ĂP trong hăn tât ăp giáo xứ, ngih rƀŭn rgum geh ƀư ueh ăp ntil. Ngih rƀŭn Chính Toà, ăp ntŭk tăch cà phê, ntŭk tăch ndoh ndơ êp aơ geh nchrăp ƀư nkra ueh măt uănh, njêng ăp ntŭk ueh gay nklih rup. Du yan nôel duh răm, kônh wa kon chroh ndrel rƀŏng tât du nau rêh ueh mhe tâm ƀon lan nar lơn hun hao. Nŭih ƀon lan geh rhơn ma rnôk Noel tâm ngih rƀŭn Chính hoà Ban Mê Thuột duh răm ndrel geh âk nuih n’hâm tâm kơl an.

Măng 24/12, Đà Lạt kơt nsoh bah lơ săk he du mblâm ao mhe ntơr uĕh, nklang tŭk lêm ndâp mpơl, ŭnh lơp chrêk dêr bah ăp jâng gung rgum rƀŭn n’hanh ăp nău mprơ noel khuh n’gôr lam ăp trong nkual ƀon têh, mpơl du khay Noel uĕh reh ta bri tơm me kao. Ntŭk rgum dŭt nchrat ntơr uĕh lah nkual Nhih brah Chính tòa Đà Lạt. Nklang ntŭk ơm yău, tơm n’ho Noel têh prêh hang rmưn ŭnh led lơp chrang, wăch rgum hang rbăn tơ̆ nuĭh ƀon lan n’hanh năch hăn pâl nđaih. Nkre, 21 ntŭk chroh bap ta phường nklang Xuân Hương- Đà Lạt ƀlĭp chrang tâm măng noel đŏng, jêng ntŭk wăch rgum văn hóa mô dơi ntlơi lăn, bol ma nuĭh ƀon lan, năch pâl nđaih geh chroh mô lah mô. Ta ăp ƀon lan, nuĭh K’ho khuh n’gôr wơt rhơn, dăn mbah an năm mhe uĕh lăng, hơm răm đŏng.