Kêng măng (22/11), n’gor Lâm Đồng lĕ ƀư rƀŭn nchră uănh lah nu nău wăng sa rêh jêng năm 2022, mbơh ƀư nău kan, trong mkra năm 2023. Knơm ƀư tĭng dŭt n’hâm n’hanh tâm ban ăp trong mkra, wăng sa rêh jêng năm 2022 bah n’gor Lâm Đồng mât uĕh hun hao, geh âk săk nglăy khlay lĕ rngôch ăp ntil.

Lam ntŭk rƀŭn

Lĕ rngôch 18/18 rnoh an ƀư geh da dê n’hanh rlău nkôp đah trong nchrăp n’gluh an. Nău uĕh ngăn lah rnoh hao jêng wăng sa ta lam n’gor geh tât 11,84%; sŏk an tơm prăk 13.000 rmen prăk, hao 2.000 rmen prăk nkôp đah trong nchrăp n’hanh hao rlău 18% nkôp đah năm bah năp; dĭng lĕ geh prăk tăch n’gluh rlău 886 rkeh đôlar; rĭng geh bôk nuĭh 75,3 rkeh prăk; wơt 7 rkeh năch pâl nđaih, hao 340% nkôp đah rơh aơ. Ntoh ngơi ta rƀŭn nchră, wa Trần Văn Hiệp, Kruanh UBND n’gor Lâm Đồng mĭn lah, ăp nău jêr aơ nsrôih mkra tâm năm 2023. Tâm nĕ, uănh khlay ndâk njêng trong nchrăp n’hanh ƀư tĭng geh săk rnglăy Nghị quyết 23 bah N’gâng kan chính trị đah ăp nău ƀư na nê̆, ndơ na nê̆.