VOV4.M’nông – N’gor Gia Lai lĕ n’hanh dôl ƀư ăp trong jăch ndăn gay rdâng đah phŭt mrô 4. Ngoăy tâm ăp nău kan ngăn ngên dơi nkual ƀon têh Pleiku mbơh ƀư nĕ lah koaih rbông dak, koh n’gĭng si tâm nkual ƀon têh gay dêr dak băm tĭng ntŭk n’hanh chôt tơm si mâp phŭt.

Gia Lai nchrăp rdâng đah phŭt mrô 4

Gay ơm rdâng đah phŭt mrô 4 tât, tâm ăp nar bah năp n’hanh tât kêng măng 27/9, Jrô kan mât uănh nkual ƀon têh Pleiku tâm rgop đah Công ty TNHH du ntŭk kan Công trình đô thi nkual ƀon têh Pleiku ƀư koh n’gĭng rhiăng tơm si ăp ntil, kơt xà cừ, khoăr, n’hanh ăp tơm si êng n’gĭng têh, n’gĭng jong, ta trong Lê Hồng Phong, Lê Duẩn, Phan Bộ Châu. Ndrel đah nĕ, ăp ntŭk kan ƀư koaih rwach âk trong rbông dak, kloh soih dak hoch ta ăp dak diăng ta nkual ƀon têh.

VOV Tây Nguyên/ Nuĭh rblang: Y Sưng Phê Ja