N’gor Lâm Đồng ndăn ngăch tât lor lôch jêh “Chiến dịch Quang Trung” ndăn ngăch ndâk ƀư tay, nkra jay gŭ an ăp rnăk geh khuch khat yor phŭt dak bŭk bah năp lơ 15/1/2026. Jêh du khay mbơh ƀư “Chiến dịch Quang Trung “ ndăn ngăch ndâk ƀư tay, nkra jay gŭ an ăp rnăk ƀon lan geh khuch khat yor phŭt dak lip, lơ 29/12/2025 n’gor Lâm Đồng lĕ jêh ƀư mhe 9 rnăk.

Đah 29 rnăk jay an ƀư mhe ƀa ƀă, aƀaơ rmôt tahen, công an, n’gâng kan ƀon lan n’hanh ăp nsum mpôl ta ntŭk dôl nsrôih ntop kơl nuĭh ƀon lan ndăn jêh. Tât lơ 31/12/2025 mbra geh tay 4 rnăk jay dơi jêh n’hanh 25 rnăk hôm ƀa ƀă n’gor Lâm Đồng dôl ndăn tât lor jêh bah năp lơ 15/1/2026. Gay ăp rnăk jay ƀư mhe n’hanh nkra an nuĭh ƀon lan jêh phŭt dak bŭk nâp nâl tay, n’gor Lâm Đồng rgŏ jă ăp rmôt ntop kơl nar luh n’hanh du đêt lŭ loih choih xi măng.

Tât rnôk aơ, n’gor Gia Lai hŏ jêh nau ndâk 456/674 ngih, geh 67,66%. Ngăn lah, kơp tât lơ 28/12, n’gor Gia Lai jêh nkra 27.501 ngih tâm rnoh 25.533 ngih geh khuch djơh, geh rnoh 99,92%. Rnôk aơ hôm 21 ngih ân geh nkra, dôl ma bơi jêh, nchrăp mra jêh lor lơ 31/12/2025. Đah nau ndâk ngih mhe, n’gor Gia Lai ndâk ƀư 674 ngih rlâm, djơh hô. Tât nrôk aơ, 456 ngih hŏ jêh; 218 ngih hôm dôl nka. N’gor nsôih nkô̆ nau jao ân ƀon lan bah năp lơ 25/1/2026. Ndrel ma nau rgum nŭih, n’gor Gia Lai dŏng rlau 720 rmen tă bah tơm prăk Ngih dak ndrel ăp tơm prăk rgop êng gay kơl an, rklaih nau khuch ndrel ndâk ăp ngih pă kơl an ƀon lan.