Ăp nar aơ, Lâm Đồng dŭt n’hâm nchrăp an Pơh lễ têh Pâl nđaih rơh tal 3 năm 2024 ƀư bah lơ 31/5 tât 6/6. Tâm nĕ, ăp ntŭk, ntŭk rhŏ an pâl nđaih bah n’gor lĕ nkra uĕh, ntop n’hao uĕh ndơ pâl nđaih bah nơm. Ndrel; đah đăp mpăn uĕh nâp ăp nău rhŏ, nău kan pâl nđaih n’gor Lâm Đồng hôm rgŏ jă bôk nău kan “Nar têh” “Mong têh”, wăch rgum âk ntŭk kan, doanh nghiệp tâm n’gor rƀŏng tĭng n’hanh mbơh ƀư ăp ndơ an, kơt n’hŭch prăk khách sạn, prăk vé an hăn nsong, an ndơ nkah ndrăy, an dơn du đêt tuor pâl nđaih... gay wăch rgum năch.

Pơh lê têh Pâl nđaih Lâm Đồng năm aơ geh bôk nău “Lâm Đồng-Ntŭk tât bah Nkao n’hanh âm nhạc”, lah nău ƀư khlay bôk năp an rơh pâl nđaih khay mih năm 2024. Yor nê, rlău ma uĕh nâp ăp ndơ rhŏ an, trong kan mât uănh ngih dak ta ăp ntil nău dôl dơi ăp ntŭk kan dơi kan tâm n’gor dŭt n’hâm ƀư.