Dôh rklaih ntŭk kol đah ntung trong, knŭng jêh rlău 6 khay ƀư tĭng nglăp nsum, n’gor Lâm Đồng mhe lĕ kơl lor mbơh ƀư âk nău nchrăp ƀư ntung trong, bah nkra uĕh tât ndâk ƀư mhe gay hao dơi boăt nthoi ntung trong tâm nkual n’hanh ăp nkual.

N’gor Lâm Đồng geh rnoh neh têh ngăn lam dak đah 24.200 km2, ŭch boăt nthoi ntung trong tâm lvang hun hao mhe dŭt jăch ndăn. Ndrel đah nkra, ƀư uĕh ăp trong tỉnh lộ, quốc lộ, trong ndeh treng, tach ndeh păr aƀaơ, tâm năm 2025 n’gor lĕ ntơm ƀư âk nău nchrăp ƀư trong têh hăn ngăch nthoi Đà Lạt n’hanh bah Gia Nghĩa tât nkual ƀon têh Hồ Chí Minh, ăp gưl trong me têh mpeh 3 nkual tơm: Đà Lạt, Gia Nghĩa n’hanh Phan Thiết. Nău djôt dơn lah n’gâng kan ƀon lan n’hanh nuĭh ƀon lan Lâm Đồng du nuih n’hâm ndrel soan ƀư tĭng mpŏng ŭch trong têh hun hao. Kơt ta xă Phúc Thọ Lâm Hà, bah chông cờ bôk năp lah ăp đảng viên Chi bộ thôn Tân Hợp, bơi 100 rnăk tâm thôn ndrel an bơi 23.000m2 neh dôl tăm cà phê gay n’gâng kan ƀon lan pơk trong nthoi quốc lộ 28 đah tỉnh lộ 725.