Yơn lah, tât lĕ khay 10, lam n’gor mhe geh pă an bơi tât 30% nău nchrăp kan. Du đê̆ nău nchrăp kan têh yơn rnoh pă prăk mô âk, ngăn lah 2 nău kan ƀư trong hăn têh Bảo Lộc- Liên Khương n’hanh Tân Phú - Bảo Lộc, đah lĕ rnoh nău nchrăp kan rlău 5 rbăn rmen prăk yơn ê hŏ geh pă prăk. Nkô̆ nău tơm lah yor nău kŏ văk tâm nău ntrơn ntŭk gŭ, ndrel đah trôk nar mih âk n’hanh nău dơi bâh du đê̆ ntŭk kan ê hŏ geh. Ta năp nău pă prăk kan mbrơi, UBND n’gor Lâm Đồng lĕ đă ăp nuĭh tơm ntuh kơl n’hao nău dơi kan, ƀư tĭng na nê̆ ta ntŭk, n’hao uănh nđôi, uănh năl n’hanh rmal răng dăng ntŭk kan ƀư mbrơi. Nkre lah, UBND ăp xã, phường, đặc khu ntŭk geh nău kan an geh rgum ntrôl ƀư ngăch ntrơn ntŭk gŭ an ƀon lan, pah kan lĕ ma nar rlu, mât đăp mpăn pă ntŭk kan ueh an ăp nău kan tơm. Ăp n’gâng kan, ntŭk kan geh tât an geh tâm rgop na nê̆, doh rklaih ăp nău kŏ văk mpeh rnoh khlăy neh, ƀư nău ntuh kơl, n’hanh ăp khay mbơh tơih nău geh ƀư kan an UBND n’gor.